सामाजिक चेतनाको उज्यालो अनुहार
समाज परिवर्तनको संग्राममा केही यस्ता व्यक्तित्वहरू उदाउँछन्, जसको नाम मात्रैले विचार, दर्शन र प्रेरणाको ज्योति प्रज्वलित हुन्छ। लायन राजन लम्साल यिनै थोरै हस्तीहरूमा पर्छन जसले सेवा, संयम र नेतृत्वको त्रिवेणीलाई जीवन दर्शन बनाउँदै लायनिजमलाई नेपाली समाजमा गहिरो जरा गाड्न सफल भएका छन्।
आज उनी लायन्स इन्टरनेशनलको निर्देशक पदका लागि ईन्डाेर्सी पदकाे उम्मेदवारको रूपमा प्रस्तुत छन्। तर यो यात्रा केवल उम्मेदवारीको होइन यो त्याग, समर्पण र सृजनशीलताको एउटा सशक्त दस्तावेज हो।
स्याङ्जाको भीरबाट विश्व मञ्चसम्मको यात्रा
स्याङ्जाको पहाडमा साधारण परिवेशमा हुर्किएका राजन लम्सालले बाल्यकालदेखि नै समाजप्रतिको उत्तरदायित्व महसुस गरे। सादा जीवनशैली, अनुशासित सोच र स्पष्ट दृष्टिकोण भएका लम्सालले व्यवस्थापनमा स्नातक शिक्षा पूरा गरे।
शिक्षामा अनुशासन, व्यवसायमा इमान, र लायनिजममा समर्पण—यिनै तीन मूल्यमान्यताले उनको जीवन र नेतृत्वलाई निर्देशित गर्यो।
सेवाबाट नेतृत्वतर्फको अग्रगमन
सन् १९९७ मा संखुवासभाबाट लायन्स यात्राको सुरुआत गरेका लम्साल क्लब अध्यक्ष हुँदै डिष्ट्रिक्ट गभर्नर, मल्टिपल काउन्सिल चेयरपर्सन, ग्लोबल लिडरशिप र मेंबरसिप को-र्डिनेटर, र अहिले LCIF एरिया लिडरका रूपमा सक्रिय छन्।
उनको नेतृत्वमा स्वास्थ्य शिविर, शैक्षिक परियोजना, विपद् व्यवस्थापनदेखि लिएर अन्तर्राष्ट्रिय समन्वयसम्मका कार्यक्रमहरू प्रभावकारी रूपमा सम्पन्न भएका छन्। उनले नेतृत्वलाई केवल पद होइन—प्रभाव, पहुँच र परिणामकाे संयोजनकाे रूपमा स्थापित गरेका छन्।
शिक्षा र सेवा एक सशक्त मिसन
राजन लम्सालको प्रेरणास्रोत बने नेपाली शिक्षा क्षेत्रका प्रखर अभियन्ता रामबहादुर श्रेष्ठ। त्यसै प्रेरणाले उनलाई ‘मनराम शिक्षाकोष’ स्थापना गर्न अभिप्रेरित गर्यो। यस अभियानअन्तर्गत उनले १३३ भन्दा बढी विद्यालयमा पुस्तकालय स्थापना गरेका छन्।
स्याङ्जा फर्किएर विद्यालय पुनर्निर्माण, स्वास्थ्यचौकी निर्माण, सडक तथा खानेपानीका पूर्वाधार विकास, र ‘सहयोगी हातहरू’जस्ता संस्थामार्फत सेवा मूलक कार्यक्रम सञ्चालन गर्नु उनका हस्ताक्षर परियोजनाहरू हुन्।
परिवारमै लायन नेतृत्वको ऐतिहासिक जोडी
लायन इन्दु लम्साल उनकी धर्मपत्नी पनि डिष्ट्रिक्ट गभर्नरको पदमा पुगेर इतिहास बनाएकी छन्। नेपाली लायन इतिहासमा पति-पत्नी दुवै गभर्नर बन्ने यो पहिलो उदाहरण हो। सेवा र नेतृत्वको यो संगम परिवारमै गहिरिएको छ।
अन्तर्राष्ट्रिय क्षितिजतर्फको आत्मविश्वासी पाइला
आज लायन राजन लम्साल अन्तर्राष्ट्रिय निर्देशक पदका लागि प्रतिस्पर्धामा छन्। उनी मात्र उम्मेदवार होइनन नेपाली नेतृत्व क्षमताकाे सशक्त अन्तर्राष्ट्रिय प्रस्तुति हुन्।
उनी RLLI, FDI जस्ता महत्वपूर्ण अन्तर्राष्ट्रिय प्रशिक्षण कार्यक्रमहरू सफलतापूर्वक पूरा गरिसकेका छन्। FDI र LCI को समन्वय कार्यमा सक्रिय भूमिकाले उनीलाई अन्तर्राष्ट्रिय मञ्चमा योग्य प्रत्याशी बनाएको छ।
निष्कर्ष: नेतृत्व जहाँ सेवा, संस्कार र संकल्प भेटिन्छन्
लायन राजन लम्सालको यात्रा केवल पद प्राप्तिको होइन नेपाली लायन आन्दोलनको पहिचान, प्रतिबद्धता र प्रगतिप्रतिको जीवित दस्तावेज हो। उनी नेता मात्र होइनन् दृष्टिकोण निर्माण गर्ने अभियन्ता हुन्।
आज लम्सालको उम्मेदवारी लायनिजमको नयाँ अध्याय र नेपाली सेवाभावको अन्तर्राष्ट्रिय आवाज हो। खारिएको अनुभव, स्पष्ट दृष्टिकोण र समर्पणसहितको नेतृत्वले नेपाली लायन अभियानमा परियोजना भित्र्याउने, प्रभाव विस्तार गर्ने र संस्थागत समृद्धिमा टेवा पुर्याउने आशा गर्न सकिन्छ।
